Hassan Koza Ghar - حسن کوزہ گر

Hassan Koza Ghar

Very Beautifull Urdu Nazam Hassan Koza Ghar

حسن کوزہ گر

AQ Hashmi

DEC 5th 2017,6:00 PM DEC 5th 2017,6:00 PM

جہاں زاد، نیچے گلی میں ترے در کے آگے یہ میں سوختہ سر حسن کوزہ گر ھوں! تجھے صبح بازار میں بوڑھے عطّار یوسف کی دکّان پر میں نے دیکھا تو تیری نگاھوں میں وہ تابناکی تھی میں جس کی حسرت میں نو سال دیوانہ پھرتا رہا ھوں جہاں زاد، نو سال دیوانہ پھرتا رھا ھوں!

یہ وہ دور تھا جس میں میں نے کبھی اپنے رنجور کوزوں کی جانب پلٹ کر نہ دیکھا ــــــــــ وہ کوزے مرے دست چابک کے پتلے گل و رنگ و روغن کی مخلوق بے جاں وہ سر گوشیوں میں یہ کہتے "حسن کوزہ گر اب کہاں ھے وہ ہم سے خود اپنے عمل سے خداوند بن کر خداؤں کے مانند ھے روئے گرداں!" جہاں زاد نو سال کا دور یوں مجھ پہ گزرا کہ جیسے کسی شہر مدفون پر وقت گزرے تغاروں میں مٹی کبھی جس کی خوشبو سے وارفتہ ھوتا تھا میں سنگ بستہ پڑی تھی صراحی و مینا و جام و سبو اور فانوس و گلداں مری ہیچ مایہ معیشت کے، اظہار فن کے سہارے شکستہ پڑے تھے
میں خود، میں حسن کوزہ گر پا بہ گل خاک بر سر برھنہ سر چاک ژولیدہ مو، سر بزانو کسی غمزدہ دیوتا کی طرح واہمہ کے گل و لا سے خوابوں کے سیّال کوزے بناتا رہا تھا جہاں زاد، نو سال پہلے تو ناداں تھی لیکن تجھے یہ خبر تھی کہ میں نے، حسن کوزہ گر نے تری قاف کی سی افق تاب آنکھوں میں دیکھی ھے وہ تابناکی کہ جسے سے مرے جسم و جاں، ابرو مہتاب کا رھگزر بن گئے تھے
جہاں زاد بغداد کی خواب گوں رات وہ رود دجلہ کا ساحل وہ کشتی وہ ملّاح کی بند آنکھیں کسی خستہ جاں رنج بر کوزہ گر کے لیے ایک ہی رات وہ کہربا تھی کہ جس سے ابھی تک ھے پیوست اسکا وجود اس کی جاں اس کا پیکر مگر ایک ہی رات کا ذوق دریا کی وہ لہر نکلا حسن کوزہ گر جس میں ڈوبا تو ابھرا نہیں ھے!
جہاں زاد اس دور میں روز، ہر روز وہ سوختہ بخت آکر مجھے دیکھتی چاک پر پا بہ گل سر بزانو تو شانوں سے مجھ کو ہلاتی ــــــــــ (وہی چاک جو سالہا سال جینے کا تنہا سہارا رہا تھا!) وہ شانوں سے مجھ کو ہلاتی حسن کوزہ گر ھوش میں آ" حسن اپنے ویران گھر پر نظر کر یہ بچّوں کے تنّور کیونکر بھریں گے حسن، اے محبّت کے مارے محبّت امیروں کی بازی، "حسن، اپنے دیوار و در پر نظر کر مرے کان میں یہ نوائے حزیں یوں تھی جیسے کسی ڈوبتے شخص کو زیرگرداب کوئی پکارے! وہ اشکوں کے انبار پھولوں کے انبار تھے ہاں مگر میں حسن کوزہ گر شہر اوہام کے ان خرابوں کا مجذوب تھا جن میں کوئی صدا کوئی جنبش کسی مرغ پرّاں کا سایہ کسی زندگی کا نشاں تک نہیں تھا!
جہاں زاد، میں آج تیری گلی میں یہاں رات کی سرد گوں تیرگی میں ترے در کے آگے کھڑا ھوں سرد مو پریشاں دریچے سے وہ قاف کی سی طلسمی نگاھیں مجھے آج پھر جھانکتی ھیں زمانہ، جہاں زاد وہ چاک ھے جس پہ مینا و جام و سبو اور فانوس و گلداں کے مانند بنتے بگڑتے ہیں انساں میں انساں ھوں لیکن یہ نو سال جو غم کے قالب میں گزرے! حسن کوزہ گر آج اک تودہ خاک ھے جس میں نم کا اثر تک نہیں ھے
جہاں زاد بازار میں صبح عطّار یوسف کی دکّان پر تیری آنکھیں پھر اک بار کچھ کہہ گئی ہیں ان آنکھوں کی تابندہ شوخی سے اٹھی ھے پھر تودہ خاک میں نم کی ہلکی سی لرزش یہی شاید اس خاک کو گل بنا دے! تمنّا کی وسعت کی کس کو خبر ھے جہاں زاد لیکن تو چاھے تو بن جاؤں میں پھر وہی کوزہ گر جس کے کوزے تھے ھر کاخ و کو اور ھر شہر و قریہ کی نازش تھے جن سے امیر و گدا کے مساکن درخشاں تمنّا کی وسعت کی کس کو خبر ھے جہاں زاد لیکن تو چاھے تو میں پھر پلٹ جاؤں ان اپنے مہجور کوزوں کی جانب گل و لا کے سوکھے تغاروں کی جانب معیشت کے اظہار فن کے سہاروں کی جانب کہ میں اس گل و لا سے ، اس رنگ و روغن سے پھر وہ شرارے نکالوں کہ جن سے دلوں کے خرابے ھوں روشن!

Hasan Koozah-gar JahaaN-zaad! Neeche gali mein Tere dar k aage Ye main sokhta-sar Hasan koozah-gar huN Tujhe subho bazaar mein BooRhe attaar Yusuf ki dukkaan par Main ne dekha To teri nigaahoN mein Wo taab-naaki thi Main jiski hasrat mein Nau saal deewaana phirta raha
JahaaN-zaad! Nau saal deewaana phirta raha Ye wo daur tha Jis mein main ne kabhi Apne ranjoor koozoN ki jaanib palaT kar na dekha Wo kooze Mere dast-e-chaabuk k putle Gil o rang o raughan ki makhlooq-e-be-jaaN Wo sar-goshiyoN mein ye kehte, Hasan kooza-gar ab kahaN hai Wo ham se Khud apne amal se Khudaawand ban kar KhudaaoN ki maanind hai roo-e-gardaaN JanaaN-zaad! Nau saal ka daur YooN mujh pe guzra K jaise kisi shehr-e-madfoon par waqt guzre TaghaaroN mein mitti Kabhi jis ki khushbu se waarafta hota tha main Sang-basta paRi thi Suraahi o meena o jaam o subu Aur faanoos o guldaaN Meri heich-maaya maeeshat k izhaar-e-fan k sahaare Shikasta paRe they Main khud Main Hasan koozah-gar Pa-ba-gil Khaak-sar, bar-barehna Sar-e-chaak Zoleeda-mu Sar-ba-zaanu Kisi gham-zada deivta ki tarha Vaahime k gil o la se KhwaaboN k sayyaal kooze banaata raha
JahaaN-zaad! Nau saal pehle tu nadaaN thi lekin Tujhe ye khabar thi K main ne Hasan koozah-gar ne Teri qaaf ki c Ufaq-taab aankhoN mein Dekhi hai wo taab-naaki K jis se mere jism o jaaN Abr o mehtaab ka rah-guzar ban gaye they

JahaaN-zaad! Baghdaad ki khwaab-gooN raat Rood-e-Dajla ka saahil Wo kashti Wo mallaah ki band aankhein Kisi khasta-jaaN, Ranj-war koozah-gar k liye Eik hi raat Wo koh-ruba thi K jis se abhi tak hai paivast uska wujood Uska paikar Magar eik hi raat ka zauq Darya ki wo lehr nikla Hasan kooza-gar jis mein dooba To ubhra nahi hai
JahaaN-zaad! Is daur mein roz Har roz Wo sokhta-bakht Aa kar mujhe dekhti Chaak par Pa-ba-gil, Sar-ba-zaanu To shaanoN se mujhko hilaati Wo shaanoN se mujhko hilaati, Hasan koozah-gar! Hosh mein aa Hasan! Apne veeraan ghar par nazar kar! Ye bachoN k tannoor kiyun-kar bharein ge! Hasan! Aai mohabbat k maare! Mohabbat ameeroN ki baazi! Hasan! Apne deewaar o dar par nazar kar! Mere kaan mein ye nawaa-e-hazeeN YuN thi jaise kisi Doobte shakhs ko Zeir-e-girdaab koi pukaare Wo ashkoN k ambaar PhooloN k ambaar they HaaN magar Main, Hasan koozah-gar Shehr-e-auhaam k Un kharaaboN ka mjzoob tha jin mein Koi sada Koi jumbish Kisi margh-e-parraaN ka saaya Kisi zindagi ka nishaaN tak nahi tha
JahaaN-zaad! Main aaj teri gali mein YahaaN raat ki sard-gooN teergi mein Tere dar k aage KhaRa huN Sar o mu pareshaaN Dareeche se wo Qaaf ki c talismi nigaahein mujhe Aaj phir jhaankti hain Zamaana JahaaN-zaad! wo chaak hai Jis mein meena o jaam o subu Aur faanoos o guldaaN k maanind bante bigaRte hain insaaN Main insaaN huN lekin Ye nau saal jo gham k qaalib mein guzre Hasan koozah-gar, Aaj ik toda-e-khaak hai Jis mein nam ka asar tak nahi hai
JahaaN-zaad! Baazaar mein subh Attaar Yusuf ki dukkaan par Teri aankhein Phir ik baar kuch keh gaee hain Un aankhoN ki taabinda shokhi se uTThi hai Phir toda-e-khaak mein nam ki halki c larzish Tamanna ki wus'at ki kis ko khabar hai!
JahaaN-zaad! Lekin tu chaahe to ban jaauN Main phir wohi kooza-gar Jis k kooze They har kaakh o ku Aur har shehr o qarya ki naazish They jin se ameer o gada k masaakin DarakhshaaN Tamanna ki wus'at ki kis ko khabar hai!
JahaaN-zaad! Lekin tu chaahe to main phir PalaT jaauN Un apne mehjoor koozoN ki jaanib Gil o la k sookhe taghaaroN ki jaanib Maeeshat k izhaar-e-fan k sahaaroN ki jaanib K main us gil o la se Us rang o raughan se Phir wo sharaare nikaaluN K jin se diloN k kharaabe hoN raushan.

Thanks For Reading

@ 2 Line Poetry